♦♦♦♦♦♦♦
بانک اشعار آئینی آذری
@bAnkesheretorki
♦♦♦♦♦♦♦
عنایت اولسا قلم تاپسا فیض ربانی
زبان حالیله سویلر ملال زهرانی
او بانویی که جلالینده آیه نازل اولوب
هزار حیف جفادن بهار عمری سولوب
اولوبدی علت تنزیل سوره ی کوثر
بویوردی حق اونا خیر کثیر پیغمبر
یازیبلا هرگجه گیزلینده سینه داغلاردی
اوزی بیراللی یاراسین آچاردی،باغلاردی
چون ایستمیردی ائده ناگران بالالارینی
اولونجه فضه ده هیچ گورمدی یارالارینی
ولیک بیرگجه غم لر اونی گتیردی دله
یقیندی محتضرین وار نیازی درد دله
یوخیدی چونکه عیادت ائدن او بیماره
آچیب یاراسینی ناگاه گلدی گفتاره
دییب اورک سوزونی میخ در نشانه سینه
که بلکه سو سپه قلبینده کی شراره سینه
ازل بویوردی که ای یار و مونسیم تنده
من آغلیاندا بو ائوده سیزیلدیسان سنده
گورنده زینبیمی صحن خانیه باخوری
سنون قانین منیم اشکیمله همزمان آخوری
طبیب قویمامیشام وضعوه گلیب باخسون
نقدری قانین آخور قوی من اولممیش آخسون
ورنده غسلومی اما جهانه اود ویرما
منی که اولدورجاخسان علینی یاندیرما
منه مدینه دیارینده اولمادی یولداش
بو آخرین گونی منن یولا گلیدون کاش
صاباح آلیشما کمکلیق ایله ایشیم چوخدی
حسین کوینگینی قورتاریم،زمان یوخدی
علاوه زینبیمین زلفونه ویریم شانه
ائوی مرتب ایدیم توز دوتوبدی کاشانه
صحت تاپوب آنامیز قوی دسین حسین و حسن
گوزوم یومولسا منیم سنده یاره دینجله سن
خدایه شکر ایله اوپ اوغلونون قرا علمین
عنایت اولماسا فرشی مگر یازار قلمین
بهنام فرشی 🍀 @arshdarburia
نشر از بانک اشعار آذری
@bAnkesheretorki
سلام،با تشکر از مهرداد نصرتی عزیز که مرا با دنیای مجازی آشنا و راهنمایی کرد،این وبلاگ صرفا جهت اشاعه فرهنگ مهدوی ایجاد شده و هیچکدام از مطالب حتی یک کلمه مربوط به اینجانب نبوده و حقیر فقط مطالب را جمع آوری نموده ام لطفا اشعار مذهبی خود را همین جا کامنت بگذارید،انشا الله که مورد قبول حضرت حق قرار بگیرد التماس دعا.