خانه قلبی اولان عمربویی قان ننه جان
زبانحال خانم فاطمه زهرا (س) در سوگ مادر
خانه قلبی اولان عمربویی قان ننه جان
یومولان گوزلروه فاطمه قربان ننه جان
منی بش سنیده قویدون ننه سیز کوچ ایلدون
فرقتوندن ایدرم ناله و افغان ننه جان
اورگیم دردینی سندن صورا کیمنن دیرم
سنیدون عمربویی دردیمه درمان ننه جان
چوخ بلا باشیمه سندن صورا دنیاده گلر
اولاجاخ قلب ایوی غم غصه ده شان شان ننه جان
سون نفسده آتاما چوخ منی تاپشیردون آنا
چاتمازالبته آتام عهدینه نقصان ننه جان
گوزلروندن ایراق اما اولاجاخ بعدنبی
زندگانی قیزوا قورخلی زندان ننه جان
پشت درده دورارام حمله ایدن وقته عدو
اود ویراردرگهیمه ثانی نادان ننه جان
فضه داده یتیشینجه سن اوزون دادیمه گل
یاره مه چاره گتیر باغ جناندان ننه جان
گل اوزون محسنه اوخشا اورگون داغلا آنا
آلار آرامیمی اول غنچه خندان ننه جان
گورسه زینب قان ایچنده منی گل مثلی سولار
نیلییر بیله زمان دخترنالان ننه جان
ام کلثوم و حسن اشک بصرجاری ایدر
اوزینی اولدوره جک شاه شهیدان ننه جان
دورت بالام غمده یانارحیدرمظلوم کیمی
اویمیز اوندا اولارکلبه احزان ننه جان
(آذرین)نوحه یازار گوزلری یاشلی قیزوا
درعوض من ایدرم دردینه درمان ننه جان
✍ودودآذرین خلخال شاعر
نگاه منتظر - آموزش پروپوزال نویسی - آموزش مداحی - سعید میری - اشعار امام زمان - غزل امام زمان - بانک شعر
سلام،با تشکر از مهرداد نصرتی عزیز که مرا با دنیای مجازی آشنا و راهنمایی کرد،این وبلاگ صرفا جهت اشاعه فرهنگ مهدوی ایجاد شده و هیچکدام از مطالب حتی یک کلمه مربوط به اینجانب نبوده و حقیر فقط مطالب را جمع آوری نموده ام لطفا اشعار مذهبی خود را همین جا کامنت بگذارید،انشا الله که مورد قبول حضرت حق قرار بگیرد التماس دعا.